இதில் என்ன ஒரு வேடிக்கை என்றால் ஒரு நபர் ஒன்றுக்கு மேல் கணக்கு வைத்தது மட்டும் இல்லாமல், அதில் துணை கணக்குகள் வேறு வைத்து உள்ளனர், இது பெரும்பாலும் கண்டிப்பாக பினாமிகளின் கணக்குகளாக இருக்கும்.

1. பாட்ஷா படம் எடுத்ததுக்காக அந்த தயாரிப்பாளரை அமைச்சவரையில் இருந்து நீக்கியவர்தான் இந்த ஜெயலிதா 
2. பிறகு அந்த அதிருப்தியில் தி மு க விற்கு ஆதரவு அளித்தவர் தான் இந்த ரஜினி.
3. இந்த தேர்தல் நாளன்று அ தி மு க விற்கு வாக்களித்ததாக ஊடகங்கள் காட்டிய வீடியோ.
4. பின்னர் வெளியே வந்து தமிழகத்தில் வறுமையும் ஊழலும் பெருகி விட்டது என்று கருத்து தெரிவித்தார் ரஜினி.

நிதர்சனம் : 

தமிழக சட்டப்பேரவைத் தேர்தலின் ஏற்பட்ட கடும் வீழ்ச்சியின் காரணமாக, தேர்தல் ஆணையத்தின் அங்கீகாரத்தை பாட்டாளி மக்கள் கட்சி இழக்கவுள்ளது.
அதேவேளையில், குறிப்பிடத்தக்க எழுச்சியின் பலனாக தேமுதிகவுக்கு தேர்தல் ஆணையத்தின் அங்கீகாரம் கிடைக்கவுள்ளது.
தேர்தல் ஆணையத்தின் அங்கீகாரம் பெற வேண்டும் என்றால், ஒரு கட்சி கடைசியாக நடந்த நாடாளுமன்றத் தேர்தலில் 6 சதவீதத்துக்கு குறையாமல் வாக்குகளைப் பெறுவதுடன், குறைந்தது ஒரு மக்களவை உறுப்பினரை பெற்றிருக்க வேண்டும்; வாக்கு சதவீதத்தை கணக்கில் எடுத்துக் கொள்ளாத பட்சத்தில், அக்கட்சி சார்பில் 2 மக்களவை உறுப்பினர்கள் தேர்ந்தெடுக்கப்பட்டிருக்க வேண்டும்.< இல்லையேல், கடைசியாக நடந்த சட்டப்பேரவைத் தேர்தலில் 6 சதவீதத்துக்கு குறையாத வாக்குகளை பெறுவதுடன், அக்கட்சியில் இருந்து குறைந்தது 2 எம்.எல்.ஏ.க்கள் தேர்ந்தெடுக்கப்பட்டிருக்க வேண்டும். வாக்கு சதவீதம் கணக்கில் எடுத்துக்கொள்ளாத பட்சத்தில், குறைந்தபட்சம் 8 எம்.எல்.ஏ.க்கள் வெற்றி பெற்றிருக்க வேண்டும்.
இந்த நான்கு நிபந்தனைகளை பூர்த்தி செய்யாத காரணத்தால், தேர்தல் ஆணையத்தின் அங்கீகாரத்தை பாமக இழக்கவுள்ளது.
அண்மையில் நடந்து முடிந்த தமிழக சட்டப்பேரவைத் தேர்தலில் பாமக 5.23 சதவீத வாக்குகளை மட்டுமே பெற்றுள்ளது. மேலும், அக்கட்சியைச் சேர்ந்த 3 பேர் மட்டுமே எல்.எல்.ஏ.க்களாக தேர்ந்தெடுக்கப்பட்டுள்ளனர்.
முன்னதாக, கடந்த 2009-ல் நடைபெற்ற நாடாளுமன்றத் தேர்தலில் பாமக ஓரிடத்தில் கூட வெற்றி பெறவில்லை. இதனால், அக்கட்சியால் தேர்தல் ஆணையத்தின் ஒரு நிபந்தனையைக் கூட நிறைவேற்ற முடியாமல் போனது.
கடந்த நாடாளுமன்ற தேர்தலின்போதே புதுச்சேரியில் பாமக தனது அங்கீகாரத்தை இழந்துவிட்டதும் குறிப்பிடத்தக்கது.
தேமுதிகவுக்கு அங்கீகாரம்...
தமிழக சட்டப்பேரவைத் தேர்தலில் வென்று 29 எம்.எல்.ஏ.க்களை பெற்றிருப்பதன் மூலம் தேமுதிகவுக்கு தேர்தல் ஆணையத்தின் அங்கீகாரம் கிடைக்கிறது.
முந்தைய சட்டப்பேரவைத் தேர்தலில் 6 சதவீதத்துக்கும் அதிகமான வாக்குகளுடன் ஒரு சட்டப்பேரவை தொகுதியில் தேமுதிக வென்றது. ஆனால், அடுத்து நடந்த நாடாளுமன்ற தேர்தலில் ஒருவர் கூட வெற்றி பெறாததால், அக்கட்சிக்கு தேர்தல் ஆணையத்தின் அங்கீகாரம் கிடைக்கவில்லை.
இந்த நிலையில், அண்மையில் நடந்து முடிந்த சட்டப்பேரவைத் தேர்தலில் தேமுதிகவுக்கு 7.88 சதவீத வாக்குகள் கிடைத்துளது. அத்துடன், அக்கட்சியை சேர்ந்த 29 வேட்பாளர்கள் வெற்றி பெற்றுள்ளனர். இதனால், தேமுதிகவுக்கு தேர்தல் ஆணையத்தின் அங்கீகாரம் மீண்டும் கிடைக்கவுள்ளது.

சென்னை: தமிழக சட்டமன்ற தேர்தலில் எந்தக் கூட்டணி பெருவாரியான இடங்களை வென்று ஆட்சியைக் கைப்பற்றும் என்று உறுதியாக கணித்துக் கூற பிரபல செய்தி சேனல் நிறுவனங்களிடையே பெரும் குழப்பமே ஏற்பட்டுள்ளது.

நேற்று வெளியான நான்கு தொலைக்காட்சிகளின் எக்ஸிட் போல் முடிவுகளில் இரண்டு திமுகவுக்கு சாதகமாகவும், இரண்டு அதிமுகவுக்கு சாதகமாகவும் உள்ளது.

தேர்தலுக்கு முந்தைய கருத்துக் கணிப்புகளில் நக்கீரன் சர்வே தவிர, பிற கருத்துக் கணிப்புகளில் அதிமுக அதிக இடங்களைப் பெறும் என்று கூறப்பட்டது. ஆனால் தேர்தலுக்குப் பிந்தைய ஹெட்லைன்ஸ் டுடே கணிப்பில் திமுகவுக்கு அதிக இடங்கள் கிடைக்கும் என்று கூறப்பட்டது.

இதற்கிடையே பல்வேறு செய்திச் சேனல்களும் எக்ஸிட் போல் எனப்படும் தேர்தலுக்குப் பிந்தைய கருத்துக் கணிப்புகளை எடுத்து வந்தன. நேற்று மாலை வரை தேர்தல் கணிப்புகளை வெளியிட தேர்தல் ஆணையம் தடை விதித்திருந்ததால், மாலை 5 மணிக்குப் பிறகு கணிப்புகளை வெளியிட ஆரம்பித்துள்ளன.

சிஎன்என் - ஐபிஎன்:

முதல் கட்டமாக சிஎன்என் -ஐபிஎன் - தி வீக் தனது எக்ஸிட் போல் முடிவுகளை வெளியிட ஆரம்பித்துள்ளது. இரவு 9.30 மணிக்கு வெளியிடப்பட்ட இந்த கருத்துக் கணிப்பில் அதிமுக கூட்டணிக்கு 132 இடங்கள் வரை கிடைக்கும் என்றும், திமுக கூட்டணிக்கு 114 இடங்கள் வரை கிடைக்கலாம் என்றும் கூறப்பட்டுள்ளது.

தமிழகத்தில் 70 தொகுதிகளில் 4167 வாக்காளர்களைச் சந்தித்து இந்த எக்ஸிட் போலை நடத்தியுள்ளது சிஎன்என் ஐபிஎன் - திவீக் குழு.

இவர்களில் 68 சதவீதம் வாக்காளர்கள் திமுக ஆட்சி திருப்தியாக இருந்ததாக கருத்து தெரிவித்துள்ளனர். 26 சதவீதம் பேர் அதிருப்தி என கூறியுள்ளனர்.

திமுக ஆட்சியில் சாலை வசதி மேம்பட்டிருந்ததாக 82 சதவீதத்தினரும், குடிநீர் வசதி சிறப்பாக செய்யப்பட்டதாக 76 சதவீதத்தினரும், கல்வி விஷயத்தில் அரசின் செயல்பாடு சிறப்பாக இருந்ததாக 77 சதவீதத்தினரும், அரசு மருத்துவமனை செயல்பாடு திருப்தியாக இருந்ததாக 70 சதவீதத்தினரும் கருத்து தெரிவித்திருந்தனர்.

மின்சார வசதி நன்றாக உள்ளது என 52 சதவீதத்தினர் கருத்து கூறியிருந்தனர். 48 சதவீதத்தினர் மோசம் என்று கூறியிருந்தனர்.

அதேபோல சட்டம் ஒழுங்கு குறித்தும் 60 சதவீதத்திற்கு உட்பட்டவர்கள்தான் திருப்தி தெரிவித்திருந்தனர்.

கருணாநிதிக்கு ஆதரவு:

யார் முதல்வராக வரவேண்டும் என்ற கேள்விக்கு கருணாநிதிக்கு சாதகமாக 48 சதவீதத்தினரும், ஜெயலலிதாவுக்கு ஆதரவாக 38 சதவீதத்தினரும் கருத்து தெரிவித்திருந்தனர்.

யார் மோசமான முதல்வர் என்ற கேள்விக்கு ஜெயலலிதா என 34 சதவீதம் பேர் தெரிவித்திருந்தனர். கருணாநிதி என 33 சதவீதத்தினர் கூறியிருந்தனர்.

அதேசமயம், மக்கள் மத்தியில் செல்வாக்கு உள்ளவர்கள் யார் என்பதில் கருணாநிதியை விட ஜெயலலிதாவுக்கு 5 சதவீத ஆதரவு அதிகம் கிடைத்துள்ளது.

யார் ஆட்சியில் குடும்ப ஆதிக்கம் அதிகம் என்ற கேள்விக்கு கருணாநிதி ஆட்சியில் என 47 சதவீதத்தினரும், ஜெயலலிதா ஆட்சியில் என 18 சதவீதத்தினரும் கூறியிருந்தனர்.

2 ஜி விவகாரம்...

2 ஜி முறைகேட்டை இந்த தேர்தலை பாதிக்கும் விஷயமாக 6 சதவீதத்தினர்தான் எடுத்துக் கொண்டதாக இந்த கணிப்புகளில் தெரிய வந்துள்ளது. 2ஜி காரணமாக தனது வாக்கை அதிமுக அணிக்கு போட்டதாக 7 சதவீதம் பேர் தெரிவித்திருந்தனர்.

இந்த ஊழலுக்கு யார் முக்கிய காரணம் என்ற கேள்விக்கு 53 சதவீதத்தினர் ஏ ராஜா என்றும், 48 சதவீதத்தினர் கனிமொழி என்றும் கூறியிருந்தனர். 34 சதவீதத்தினர் கருணாநிதியையும் 32 சதவீதத்தினர் தயாளு அம்மாளையும் காரணமாக சுட்டிக் காட்டியுள்ளனர்.

மேற்கு வங்கத்தில் முடிவுக்கு வரும் கம்யூனிஸ்ட் ஆட்சி...

மே வங்க மாநிலத்தில் 35 ஆண்டுகளாக ஆட்சியிலிருந்து வரும் கம்யூனிஸ்டுகளின் ஆதிக்கத்துக்கு இந்தத் தேர்தலில் முற்றுப்புள்ளி வைக்கப்படும் என்றும், மம்தா பானர்ஜி தலைமையிலான திரினாமூல் காங்கிரஸ் 169 தொகுதிகள் வரை பிடிக்கும் என்று தெரியவந்துள்ளது.

அஸ்ஸாமில் மீண்டும் தருண் கோகாய் தலைமையில் காங்கிரஸ் ஆட்சி அமையும் என்றும், கேரளாவில் அச்சுதானந்தனே மீண்டும் முதல்வராக வர மக்கள் விரும்புவதாகவும் இந்த சேனல் தெரிவித்துள்ளது.

ஹெட்லைன்ஸ் டுடே:

திமுக 130 இடங்கள் வரை பெறும் என்கிறது ஹெட்லைன்ஸ் டுடே - ஓஆர்ஜி கணிப்பு. இதுவரை இவர்கள் மூன்று கருத்துக் கணிப்புகளை நடத்திவிட்டனர். அவற்றில் இரண்டில் திமுகவுக்கு சாதகமான முடிவுகள் வந்துள்ளன.

இவர்கள் கணிப்புப் படி, திமுக கூட்டணி - 115 முதல் 130 வரை இடங்களைப் பெற்று ஆட்சியமைக்கும். அதிமுக கூட்டணிக்கு 105 முதல் 120 வரை கிடைக்க வாய்ப்புள்ளது.

ஆட்சியைப் பிடிப்பதில் திமுக - அதிமுக கூட்டணிகள் இடையே கடும்போட்டி நிலவும் என்றும் ஆனால், திமுகவுக்கு வாய்ப்பு அதிகம் என்றும் கூறப்பட்டுள்ளது.

நியூஸ் எக்ஸ்:

நியூஸ் எக்ஸ் சேனல் முடிவுகளில் அதிமுக கூட்டணிக்கு 176 இடங்கள் வரை கிடைக்கும் என்றும், திமுக கூட்டணிக்கு 64 இடங்கள் வரை கிடைக்க வாய்ப்புள்ளதாக தெரிவித்துள்ளது. ஆனால் சில நிமிடங்களுக்குப் பிறகு இந்த கணிப்பு முடிவு வெளியிடுவதை நிறுத்திக் கொண்டது இந்த சேனல். 2 ஜிதான் திமுகவுக்கு பெரும் வீழ்ச்சி என்று கூறியது இந்த சேனல்.

ஸ்டார் நியூஸ் - நீல்சன் கணிப்பு:

ஸ்டார் நியூஸ் மற்றும் நீல்சன் மேற்கொண்ட கணிப்பின்படி திமுக கூட்டணி 124 தொகுதிகளில் வெற்றி பெறும் என்றும், அதிமுக கூட்டணி 110 தொகுதிகளில் வெல்லும் என்றும் கூறப்பட்டுள்ளது. எப்படியும் மீண்டும் திமுக ஆட்சியே தமிழகத்தில் அமையும் என்கிறது ஸ்டார் நியூஸ் கணிப்பு.

லக்னோ: உ.பி. மாநில விவசாயிகளைத் தூண்டி அரசுக்கு எதிராக போராட்டத்தில் ஈடுபடுமாறு தூண்டி விட்டு வருகிறார் ராகுல் காந்தி. இதை அவர் நிறுத்திக் கொள்ள வேண்டும் என்று கூறியுள்ளார் உ.பி. முதல்வர் மாயாவதி.

இதுகுறித்து இன்று லக்னோவில் செய்தியாளர்களைச் சந்தித்த மாயாவதி கூறுகையில், ராகுல் காந்தி திடீரென வருகிறார், விவசாயிகளுக்கு மத்தியி்ல் தோன்றுகிறார், போராட்டத்தில் ஈடுபடுகிறார். இது அத்தனையும் டிராமா.

முதலில் காங்கிரஸ் தலைமையிலான மத்திய அரசு நிலம் கையகப்படுத்தும் சட்டத்தில் திருத்தம் கொண்டு வர முயற்சிக்கட்டும். அந்த சட்டம்தான் விவசாயிகளுக்கு எதிராக இருக்கிறது. அதை விட்டு விட்டு உ.பியில் போராட்டம் நடத்தி பிரச்சினையை ஏற்படுத்த முயற்சிக்க வேண்டாம்.

பட்டா-பரசுல் பகுதியில் சமூக விரோதிகளைத் தூண்டி பிரச்சினையை உருவாக்கியதே காங்கிரஸ்தான். மேலும் அப்பகுதியில், விவசாயிகள் மத்தியில் பதட்டத்தை ஏற்படுத்தும் வகையில் போராட்டத்தில் கலந்து கொண்டுள்ளார் ராகுல்காந்தி. இதனால்தான் அவர் கைது செய்யப்பட்டார்.

நிலம் கையகப்படுத்தும் பிரச்சினைகள் காங்கிரஸ் ஆளும் மாநிலங்களிலும் கூட உள்ளது. அதை முதலில் ராகுல் சரி செய்யட்டும். பிறகு இங்கு வரலாம் என்றார் அவர்.

டெல்லி: காமன்வெல்த் ஊழல் தொடர்பாக அதன் ஒருங்கிணைப்புக் குழு தலைவர் கல்மாடியிடம் இன்று சிபிஐ விசாரணை நடத்தியது.

காமன்வெல்த் போட்டிகள் ஊழலால் உலக அரங்கில் இந்தியாவுக்கு அவப்பெயர் ஏற்பட்டுள்ளது. இந்த ஊழல் விவகாரம் தொடர்பாக சிபிஐ ஒருங்கிணைப்புக் குழு அதிகாரிகள் பலரிடம் விசாரணை நடத்தி, கைது செய்துள்ளது. இந்நிலையில் ஒருங்கிணைப்புக் குழு தலைவர் கல்மாடியிடம் டெல்லியில் உள்ள சிபிஐ தலைமை அலுவலகத்தில் விசாரணை நடந்தது.

கடந்த டிசம்பர் மாதம் 24-ம் தான் சிபிஐ கல்மாடியின் வீடு மற்றும் அலுவலகத்தில் அதிரடி சோதனை நடத்தியது. அப்போது பல முக்கிய ஆவணங்கள் சிக்கின. இதையடுத்து கடந்த ஜனவரியில் கல்மாடியிடம் சிபிஐ விசாரணை நடத்தியது. தற்போது இன்று மீண்டும் விசாரித்தது.

சென்னை, மார்ச் 15: திமுக கூட்டணியில் காங்கிரஸ் கட்சி போட்டியிடும் 63 தொகுதிகள் அறிவிக்கப்பட்டுள்ளன. இதற்கான ஒப்பந்தத்தில் திமுக தலைவர் கருணாநிதியும், தமிழ்நாடு காங்கிரஸ் கமிட்டி தலைவர் கே.வீ. தங்கபாலுவும் செவ்வாய்க்கிழமை கையெழுத்திட்டனர்.
3 அமைச்சர் தொகுதிகள்: திமுக கூட்டணியில் காங்கிரஸýக்கு ஒதுக்கப்பட்டுள்ள 63 தொகுதிகளில் 3 அமைச்சர்களின் தொகுதிகள் இடம் பெற்றுள்ளன.
அமைச்சர்கள் ஆர்க்காடு வீராசாமி (சென்னை அண்ணா நகர்), தா.மோ. அன்பரசன் (ஆலந்தூர்), என். செல்வராஜ் (முசிறி) ஆகியோரின் தொகுதிகள் காங்கிரஸýக்கு ஒதுக்கப்பட்டுள்ளன.
2006-ல் திமுக வெற்றிபெற்ற அறந்தாங்கி (உதயம் சண்முகம்), ராதாபுரம் (அப்பாவு) தொகுதிகளும் காங்கிரஸ் பட்டியலில் இடம் பெற்றுள்ளன. மின்துறை அமைச்சரும், திமுக முதன்மைச் செயலருமான ஆர்க்காடு வீராசாமியின் தொகுதி காங்கிரஸýக்கு ஒதுக்கப்பட்டுள்ளது அக்கட்சியினரிடம் வியப்பை ஏற்படுத்தியுள்ளது.
தொழிலாளர் நலத்துறை அமைச்சர் தா.மோ. அன்பரசன் புதிதாக உருவாக்கப்பட்டுள்ள பல்லாவரத்திலும், வனத்துறை அமைச்சர் என். செல்வராஜ் புதிதாக உருவாக்கப்பட்டுள்ள மணச்சநல்லூர் (திருச்சி) தொகுதியிலும் போட்டியிட இருப்பதாகக் கூறப்படுகிறது.
இதுதவிர கடந்த தேர்தலில் பாமக போட்டியிட்ட கலசப்பாக்கம் தொகுதி இப்போது காங்கிரஸýக்கு ஒதுக்கப்பட்டுள்ளது.
சென்னையில் கடந்த தேர்தலில் காங்கிரஸ் கட்சி ஆர்.கே. நகர் தொகுதியில் மட்டுமே போட்டியிட்டது. ஆனால் இப்போது ராயபுரம், தியாகராய நகர், திரு.வி.க நகர், அண்ணாநகர், மயிலாப்பூர் ஆகிய 5 தொகுதிகள் கிடைத்துள்ளன.

மாவட்ட வாரியாக காங்கிரஸýக்கு
ஒதுக்கப்பட்டுள்ள தொகுதிகள்
திருவள்ளூர் : திருத்தணி,
பூந்தமல்லி (தனி), ஆவடி.
சென்னை : திரு.வி.க. நகர் (தனி),
ராயபுரம், அண்ணா நகர்,
தியாகராய நகர்,
மயிலாப்பூர்.
காஞ்சிபுரம் : ஆலந்தூர்,
ஸ்ரீபெரும்புதூர் (தனி),
மதுராந்தகம் (தனி).
வேலூர் : சோளிங்கர், வேலூர்,
ஆம்பூர்.
கிருஷ்ணகிரி : கிருஷ்ணகிரி, ஓசூர்.
திருவண்ணாமலை : செங்கம் (தனி),
கலசப்பாக்கம், செய்யாறு.
விழுப்புரம் : ரிஷிவந்தியம்.
சேலம் : ஆத்தூர் (தனி),
சேலம் வடக்கு.
நாமக்கல் : திருச்செங்கோடு.
ஈரோடு : ஈரோடு மேற்கு,
மொடக்குறிச்சி.
நீலகிரி : உதகமண்டலம்.
கோவை : வால்பாறை (தனி),
தொண்டாமுத்தூர்,
சிங்காநல்லூர்.
திருப்பூர் : திருப்பூர் தெற்கு,
காங்கேயம்,
அவினாசி (தனி).
திண்டுக்கல் : நிலக்கோட்டை (தனி),
வேடசந்தூர்.
கரூர் : கரூர்.
திருச்சி : மணப்பாறை, முசிறி.
அரியலூர் : அரியலூர்.
கடலூர் : விருத்தாசலம்.
நாகை : மயிலாடுதுறை.
திருவாரூர் : திருத்துறைப்பூண்டி (தனி).
தஞ்சாவூர் : பாபநாசம்,
பட்டுக்கோட்டை,
பேராவூரணி.
புதுக்கோட்டை : திருமயம், அறந்தாங்கி.
சிவகங்கை : காரைக்குடி, சிவகங்கை.
மதுரை : மதுரை வடக்கு,
மதுரை தெற்கு,
திருப்பரங்குன்றம்.
விருதுநகர் : விருதுநகர்.
ராமநாதபுரம் : பரமக்குடி (தனி),
ராமநாதபுரம்.
தூத்துக்குடி : விளாத்திக்குளம்,
ஸ்ரீவைகுண்டம்.
திருநெல்வேலி : வாசுதேவநல்லூர் (தனி),
கடையநல்லூர்,
நாங்குநேரி, ராதாபுரம்.
கன்னியாகுமரி : குளச்சல், விளவங்கோடு,
கிள்ளியூர்.
பாமக போட்டியிடும் தொகுதிகள்
திருப்போரூர், செங்கல்பட்டு, காஞ்சிபுரம், ஆர்க்காடு, போளூர், ஜோலார்பேட்டை, செஞ்சி, மயிலம், நெய்வேலி, மேட்டூர், ஓமலூர், எடப்பாடி, பவானி, தருமபுரி, பூம்புகார், திண்டுக்கல், ஆலங்குடி, மதுரவாயல், அணைக்கட்டு, ஜெயங்கொண்டம், பர்கூர், வேளச்சேரி, கும்மிடிப்பூண்டி, புவனகிரி, கோவில்பட்டி, திண்டிவனம், சோழவந்தான், வேதாரண்யம், பரமத்திவேலூர், பாலக்கோடு.
விடுதலைச் சிறுத்தைகள் போட்டியிடும் தொகுதிகள்
விடுதலைச் சிறுத்தைகள் 10 தொகுதிகளில் 2 பொதுத் தொகுதிகளிலும் 8 தனித் தொகுதிகளிலும் போட்டியிடுகின்றனர்.
அந்தக் கட்சியினர் போட்டியிடும் தொகுதிகள் விவரம்:
பொதுத் தொகுதிகள்: சோளிங்கநல்லூர், உளுந்தூர்பேட்டை.
தனித் தொகுதிகள்: செய்யூர், அரக்கோணம் , கள்ளக்குறிச்சி,
திட்டக்குடி, காட்டுமன்னார்கோயில், சீர்காழி, அரூர், ஊத்தங்கரை.
தேர்தலுக்குப் பிறகு வசந்த காலம்: தங்கபாலு
சென்னை, மார்ச் 15: தேர்தலுக்குப் பிறகு தமிழக காங்கிரஸýக்கு வசந்த காலம் பிறக்கும் என்று தமிழ்நாடு காங்கிரஸ் கமிட்டி தலைவர் கே.வீ. தங்கபாலு நம்பிக்கை தெரிவித்தார்.
திமுக கூட்டணியில் காங்கிரஸýக்கு ஒதுக்கப்பட்டுள்ள 63 தொகுதிகளின் பட்டியல் வெளியிடப்பட்ட பிறகு சத்தியமூர்த்தி பவனில் செய்தியாளர்களிடம் செவ்வாய்க்கிழமை அவர் கூறியது:
கடந்த தேர்தலில் காங்கிரஸ் வெற்றிபெற்ற பெரும்பாலான தொகுதிகளை மீண்டும் பெற்றுள்ளோம்.
2004 மக்களவைத் தேர்தலில் 10 தொகுதியில் போட்டியிட்ட எங்களுக்கு 2009-ல் 15 தொகுதிகள் கிடைத்தது. 2006 பேரவைத் தேர்தலில் 48-ல் போட்டியிட்ட எங்களுக்கு இப்போது 15 தொகுதிகள் அதிகமாக கிடைத்துள்ளது மகிழ்ச்சியளிக்கிறது.
கூட்டணி கட்சிகளுக்கு தொகுதிகள் ஒதுக்க வேண்டியிருந்ததால் தருமபுரி, தேனி மாவட்டங்களில் எங்களுக்கு தொகுதிகள் கிடைக்கவில்லை. வரும் உள்ளாட்சித் தேர்தல், மேலவைத் தேர்தல்களில் இந்த மாவட்டங்களுக்கு முன்னுரிமை அளிக்கப்படும்.
மத்திய, மாநில அரசின் சாதனைகளைச் சொல்லி பிரசாரம் செய்வோம். அனைத்துத் தொகுதிகளிலும் காங்கிரஸ் கட்சியினர் தீவிரமாகத் தேர்தல் பணியாற்றுவார்கள்.
தேர்தல் முடிவுகளுக்குப் பிறகு தமிழக காங்கிரஸ் கட்சியினர் மகிழ்ச்சி அடையும் வகையில் நல்ல செய்தி வரும், அதன் பிறகு வசந்த காலம் பிறக்கும் என்றார் தங்கபாலு.

மகிழ்ச்சியும், வருத்தமும்- இளங்கோவன்
சென்னை, மார்ச் 15: காங்கிரஸýக்கு ஒதுக்கப்பட்டுள்ள 63 தொகுதிகள் குறித்து முன்னாள் மத்திய இணை அமைச்சர் ஈ.வி.கே.எஸ். இளங்கோவன் கூறியது: காங்கிரஸ் தரப்பில் கேட்கப்பட்ட பெரும்பாலான தொகுதிகள் கிடைத்திருப்பது மகிழ்ச்சியளிக்கிறது. ஆனாலும், பெரிதும் எதிர்பார்த்த கோபிசெட்டிப்பாளையம், திருச்சி, மாதவரம், பெரம்பூர் ஆகிய தொகுதிகள் கிடைக்காதது வருத்தமளிக்கிறது.
அந்த கோஷ்டி, இந்த கோஷ்டி என்று பார்க்காமல் வெற்றி வாய்ப்புள்ள சரியான வேட்பாளர்களை காங்கிரஸ் மேலிடமும், ஐவர் குழுவும் தேர்வு செய்தால் வெற்றி நிச்சயம். அந்த நம்பிக்கை எனக்கு உள்ளது என்றார் அவர்.

சட்டசபை தேர்தலுக்கான வேட்புமனு தாக்கல் துவங்க, இன்னும் நான்கு நாட்களே உள்ள நிலையில், அ.தி.மு.க., - தி.மு.க., அணிகள், பலப்பரீட்சையில் ஈடுபட தயாராகி விட்டன. இன்றைய நிலவரப்படி, அ.தி.மு.க., 160 தொகுதிகளிலும், தி.மு.க., 120 தொகுதிகளிலும் போட்டியிடுவது உறுதியாகி உள்ளது.

தமிழக சட்டசபை பொது தேர்தலுக்கான மனு தாக்கல், வரும் சனிக்கிழமை துவங்குகிறது. மனு தாக்கலுக்கு நான்கு நாட்களே இருப்பதால், அரசியல் கட்சிகள் தொகுதிப் பங்கீடு, தொகுதிகளை அடையாளம் காணுதல், வேட்பாளர்களை முடிவு செய்தல், பிரசார திட்டத்தை வகுத்தல் ஆகிய பணிகளில் சுறுசுறுப்படைந்துள்ளன.தி.மு.க., கூட்டணியில் உள்ள அனைத்துக் கட்சிகளுக்கும் தொகுதிப் பங்கீடு முடிந்து விட்டதால், நீண்ட பேரத்திற்குப் பின் அந்தக் கூட்டணிக்கு இறுதி வடிவம் கிடைத்துள்ளது. தி.மு.க., 120 தொகுதிகளில் போட்டியிடுவது உறுதி செய்யப்பட்டுள்ளது. 2006ம் ஆண்டு தேர்தலில் போட்டியிட்டதை விட, 12 தொகுதிகளில் குறைவாக தி.மு.க., போட்டியிடுகிறது. அ.தி.மு.க., கூட்டணியில் இடம்பெற்றுள்ள, ம.தி.மு.க.,வுக்கு மட்டுமே இன்னும் தொகுதிப் பங்கீடு முடிவாகவில்லை.

அந்தக் கட்சிக்கு மிக சொற்ப எண்ணிக்கையில், வெறும் எட்டு தொகுதி ஒதுக்க, அ.தி.மு.க., முன்வருவதால், கூட்டணியில் அக்கட்சி இருக்குமா என்ற சந்தேகம் ஏற்பட்டுள்ளது. அதை தவிர்த்து, அ.தி.மு.க., கூட்டணியும் இறுதி வடிவம் பெற்று விட்டது. அ.தி.மு.க., 160 தொகுதிகளில் போட்டியிடுவது உறுதியாகி உள்ளது.அ.தி.மு.க., கடந்த முறை, 188 தொகுதிகளில் போட்டியிட்டது. ம.தி.மு.க.,வுக்கு ஒரு வேளை அ.தி.மு.க., கூடுதல் தொகுதிகள் கொடுக்க முன் வந்தால், தன் பங்கில் இருந்துதான் கொடுக்க வேண்டியிருக்கும். அப்போது, அ.தி.மு.க., போட்டியிடும் தொகுதிகள் எண்ணிக்கை குறையும்.இந்த முறை இருமுனைப் போட்டி என்பதால், தேர்தல் களம் சூடுபிடிக்கும் என, அரசியல் வட்டாரத்தில் பரபரப்பாக எதிர்பார்க்கப்படுகிறது.

சென்னை: தமிழகத்தில் ஆளும் தி.மு.க., கூட்டணியில் இடம் பெற்றுள்ள காங்கிரஸ் மற்றும் பா.ம.க., உள்ளிட்ட கட்சிகள் போட்டியிடும் தொகுதிகள் எவை என்ற பட்டியல் இன்று அதிகாரப்பூர்வமாக வெளியிடப்படுகிறது.

வரும் ஏப்ரல் மாதம் 13 ம் தேதி தமிழக சட்டசபை தேர்தல் நடக்கிறது. இதற்கான மனுத்தாக்கல் வரும் 19 ம் தேதி துவங்குகிறது. தமிழக தேர்தலை பொறுத்த மட்டில் தி.மு.க., அ.தி.மு.க., தலைமையிலான கூட்டணி அடிப்படையில் இருமுனை போட்டிகள் நிலவும் என எதிர்பார்க்கப்படுகிறது. கூட்டணி கட்சிகள் தொகுதி பங்கீட்டை தி.மு.க., ஒரளவுக்கு முடித்து விட்டதாகவே தெரிகிறது.

ம.தி.மு.க., நிலை என்ன ? அதே நேரத்தில் அ.தி.மு.க, கூட்டணியில் நீண்ட கால நண்பராக இருக்கும் ம.தி.மு.க.,வுக்கு தொகுதி ஒதுக்குவது முடிவாகவில்லை. பேச்சு வார்த்தைக்கு ஜெ., அழைப்பார் என்ற எதிர்பார்ப்பில் இதுவரை முன்னேற்றம் ஏற்படவில்லை. இந்திய கம்யூ. கட்சிக்கு இன்று 10 தொகுதிகள் ஒதுக்கப்பட்டுள்ளதாக அக்கட்சியி்ன் மாநில செயலர் தா. பாண்டியன் தெரிவித்தார். மார்க்.,கம்யூ.. கட்சிக்கு 12 தொகுதிகள் ஒதுக்கப்பட்டுள்ளதாக இக்கட்சி நிர்வாகிகள் தெரிவித்தனர்.

தி.மு.க., கூட்டணியில் அங்கம் வகிக்கும் காங்., (63 தொகுதிகளில் போட்டி) , பா.ம.க., (30 தொகுதிகளில் போட்டி) , விடுதலை சிறுத்தைகள் (10 தொகுதிகளில் போட்டி) , கொங்குநாடு முன்னேற்ற கழகம் (7 தொகுதிகளில் போட்டி) , இந்திய யூனியன் முஸ்லிம்லீக் (2 தொகுதிகளில் போட்டி) , பெருந்தலைவர் மக்கள் கட்சி (1 தொகுதிகளில் போட்டி) , மூவேந்தர் முன்னேற்ற கழகம் (1 தொகுதிகளில் போட்டி) என முடிவு செய்யப்பட்டுள்ளது.

இதில் யார் எந்த தொகுதிகளில் போட்டியிடுவது எந்த சின்னத்தில் போட்டியிடுவது என ஏறக்குறைய முடிவாகி விட்டது. இருந்தாலும் ஒரு சில தொகுதிகள் எனக்கு வேண்டும். உனக்கு வேண்டும் என்ற பிரச்னையால் சற்று காலதாமதம் ஏற்படுகிறது. இன்று அதிகாரப்பூர்வமாக அறிவிக்கப்பட்டு விடும் என எதிர்பார்க்கப்படுகிறது.

சென்னையில் காங்கிரசுக்கு 5 தொகுதிகள்: சென்னையில் காங்கிரஸ் கட்சிக்கு 5 தொகுதிகள் ஒதுக்கப்படும் என தெரிகிறது. தி.மு.க., கூட்டணியில் ராயபுரம், திருவிக, நகர், அண்ணாநகர், மயிலாப்பூர், டி.நகர் என 5 தொகுதிகளில் போட்டியிடும் என்று கூறப்படுகிறது. வேளச்சேரியில் பா.ம.க.,வும் போட்டியிடும்

கருணாநிதி தொகுதி மாறுகிறார்: தமிழகத்தில் பல முறை எம்.எல்.ஏ., வாகவும் 5 முறை முதல்வராகவும் இருந்து வரும் தமிழக முதல்வர் கருணாநிதி இந்த முறை சேப்பாக்கம் தொகுதியில் போட்டியிட மாட்டார் என கூறப்படுகிறது. சொந்த ஊரான திருவாரூர் தொகுதியில் போட்டியிடுவார் என்று தெரிகிறது. இதற்கான தேர்தல் பணிகளை துவக்க கட்சி தொண்டர்களுக்கு தலைமை கழகம் சிக்னல் கொடுக்கப்பட்டு விட்டதாக தெரிகிறது.

தேர்தல் அறிக்கையில் என்ன இருக்கும் ? தொகுதி வாரியாக திமுக சார்பில் போட்டியிடும் வேட்பாளர்கள் பட்டியலை மார்ச் 16ம் தேதியன்று மாலை 5 மணிக்கு திமுக தலைவர் கருணாநிதி வெளியிட உள்ளதாக திமுக தலைமையிடம் தெரிவித்துள்ளது. மார்ச் 18ம் தேதியன்று கருணாநிதி தலைமையில் கூட்டணி கட்சிகளுடன் ஆலோசனை கூட்டமும் தொடர்ந்து 19ம் தேதியன்று திமுக வின் தேர்தல் அறிக்கையும் வெளியிடப்படுகிறது.

இதில் மக்களை கவரும் முக்கிய அறிவிப்புகள் இருக்கும் என எதிர்பார்க்கப்படுகிறது. கடந்த தேர்தலில் தி.மு.க.,வின் தேர்தல் அறிக்கையில் வீட்டுக்கு ஒரு இலவச வண்ண தொலைக்காட்சி பெட்டி என்ற அறிவிப்பு மக்கள் இடை‌யே பரவலாக பேசப்பட்டு வரவேற்பும் கிடைத்தது என்பது குறிப்பிடத்தக்கது